2017 წლის 25 ოქტომბერს, აკაკი წერეთლის სახელობის ქალაქ ბათუმის საჯარო ბიბლიოთეკის „ამერიკული კუთხის“ - „ახალგაზრდა ელჩების“ კლუბის მონაწილეები ა.შ.შ.-ის საელჩოს ეწვივნენ. საელჩოში კლუბის მონაწილეები საქართველოში ა.შ.შ.-ის ელჩს იან კელის, საელჩოს საზოგადოებასთან ურთიერთობის სამსახურის თანამშრომლებსა და საქართველოში ამერიკული კუთხეების კოორდინატორს შეხვდნენ. კლუბის თითოეული მონაწილე ელჩმა ოფიციალური სერტიფიკატით დააჯილდოვა. ახალგაზრდებს საელჩოს გაცნობითი ტურიც მოუწყვეს და წიგნებით დაასაჩუქრეს. დღის მეორე ნახევარში ჩვენი კლუბის წევრებს თბილისის ამერიკულმა კუთხემ უმასპინძლა, სადაც თბილისის ქორნერის მოხალისე მოსწავლეები გაიცნეს და ბევრი ახალი მეგობარი შეიძინეს.