2019 წლის 28 იანვარს, 15 საათზე, აკაკი წერეთლის სახელობის ქალაქ ბათუმის საჯარო ბიბლიოთეკის საბავშვო-ახალგაზრდობის განყოფილების მოსწავლეთა დარბაზში ჩატარდა „ღია კარის დღე“.

„სიყვარული არს ღმერთი“ - ამ ჭეშმარიტებაში კიდევ ერთხელ დაგვარწმუნა, სასულიერო გიმნაზიის მე-6 კლასელთა სტუმრობამ. ქართული ენისა და ლიტერატურის მასწავლებელი რუსუდან თავხელიძე. ამ თვალხატულა, ღიმილიან გოგო-ბიჭებს თან შემოჰყვათ ენძელებისა და ყოჩივარდების სურნელი. ე. ი. გაზაფხული გვიახლოვდება… არც ერთი ქალბატონი არ დარჩენილა ყვავილის გარეშე. სტუმრობის იდეის ავტორი, თავად ქ-ნი რუსუდანია, ალბათ პროფესიიდან გამომდინარე. ის ხომ მრავალი წელი მოსწავლეებს მშობლიური ლიტერატურის სიყვარულით ზრდის, ბიბლიოთეკა კი მუდამ წიგნისა და განათლების სამსახურში დგას.