შემოქმედებითი მასტერკლასი ღია სამკითხველო სივრცეში
დღეს, საჯარო ბიბლიოთეკის ღია სამკითხველო ეზოში საინტერსო და ორიგინალური მასტერკლასი ჩვენი ბიბლიოთეკის თანამშრომლებმა თამარ ბუთურიშვილმა და ალექსანდრე გოგელიამ ჩაატარეს; ხელოვანმა და მინაზე ხატვის ოსტატმა - თამარ ბუთურიშვილმა ბიბლიოთეკის ახალი საგანმანათლებლო სივრცისათვის, მასტერკლასის მიმდინარეობისას ორი ნახატი-სიუჟეტი შეასრულა: „პატარა უფლისწული“ და „დონ კიხოტი“, რომელიც რესტავრირებულ ჩარჩოში მოთავსდება. თამარის მიერ შესრულებული ზღაპრის გმირების ამსახველი კიდევ ორი ნამუშევარი პროექტ „კითხვის დრო“-ს სივრცეში გამოიფინება.
ინტელექტუალური რესურსების მობილიზებასთან ერთად, დირექტორისა და თანამშრომლების მიერ სარდაფში აღმოჩენილ ძველ, ულამაზეს წიგნების თაროებს რესტავრაცია ჩაუტარა ჩვენი ბიბლიოთეკის „ხელმარჯვე ოსტატმა“, ალექსანდრე გოგელიამ; მათ ახალი სიცოცხლე, ფერი და სილამაზე შესძინა, რომლებიც რეაბილიტირებულ სარდაფში ახალ საგანმანათლებლო სივრცეს დაამშვენებენ.