#წიგნიერი 2019

ლიტერატურული ესეების კონკურსი „წიგნიერი“

საქართველოს პარლამენტის ეროვნული ბიბლიოთეკის პროექტი „წიგნიერი" წელს მეხუთედ ტარდება. კონკურსი ელექტრონული წიგნების სახლ "საბას" და თიბისის მხარდაჭერით ერთდროულად იმართება თბილისში, ამბროლაურში, ბათუმსა და თელავში.

#წიგნიერი2019 ბათუმში, აკაკი წერეთლის სახელობის ქალაქ ბათუმის საჯარო ბიბილიოთეკა პირველად მასპინძლობს.

კონკურსში, რომლის მიზანი სკოლის მოსწავლეებში კითხვის პოპულარიზაციაა, X და XI კლასის მოსწავლეები ღებულობენ მონაწილეობას. მათ სამი შერჩეული ცნობილი ნაწარმოების მიხედვით ესეს დაწერა ევალებათ. 

„ხელოვნური სამოთხე“ ესეს ეს სათაური პირდაპირი ჩართვის საშუალებით კონკურსანტებს საქართველოს პარლამენტის ეროვნული ბიბლიოთეკის დირექტორმა გიორგი კეკელიძემ გააცნო. 

წლევანდელი "წიგნიერის" თემაა ნარკომანია, როგორც მძიმე სენი, რომელსაც უნდა ვებრძოლოთ. წიგნიერის წლევანდელი კონკურსის თემატიკა და ტექსტები შერჩეულია იმის გამო, რომ ნარკოდამოკიდებულება თანამედროვე მსოფლიოს მნიშვნელოვანი პრობლემაა და საქართველო გამონაკლისი არ არის. 

"წიგნიერის" სამ გამარჯვებულს თიბისი, ელექტრონული წიგნების სახლი "საბა" და სხვადასხვა გამომცემლობები დაასაჩუქრებენ. "საბა" მათ ტექსტებს ელექტრონული წიგნის სახით გამოაქვეყნებს saba.com.ge-ზე.

გამარჯვებულები გამოვლინდებიან და დაჯილდოვდებიან საზეიმო ღონისძიებაზე ეროვნულ ბიბლიოთეკაში 2019 წლის 23 აპრილს — წიგნისა და საავტორო უფლებების მსოფლიო დღეს.