2019 წლის 22 მაისს, 17 საათზე აკაკი წერეთლის სახელობის ქალაქ ბათუმის საჯარო ბიბლიოთეკამ უმასპინძლა სახალხო მოძრაობა „ქართულ-აფხაზური საგას“ ორგანიზებით გამართულ აფხაზეთის კვირეულის „ აფხაზეთო! მე უშენოდ მზეც ობოლი მგონია...“ ფარგლებში ქართულ-აფხაზური ოჯახების წარმომადგენლებთან შეხვედრას, რომელსაც ქალბატონი ნათელა დუმბაძე უძღვებოდა. საღამოზე წარმოდგენილი იყო თითოეული ოჯახის დეტალური გენეოლოგია. აჭარის სიმღერისა და ცეკვის სახელმწიფო აკადემიური ანსამბლი „არსიანი“ დამსწრე საზოგადოების წინაშე წარსდგა სიმღერებით „მრავალჟამიერი“ და „ვარადა“. ქალაქ ბათუმის საჯარო ბიბლიოთეკის დირექტორმა, ინგა გოგიბერიძემ ბავშვებთან ერთად წარმოადგინა ქალაქ ბათუმის სხვადასხვა სკოლების მოსწავლეთა წერილები მიწერილი აფხაზი თანატოლებისათვის. საზოგადოებას მიმართეს ამ ღონისძიების მნიშვნელობაზე, ისაუბრეს აფხაზეთის ა/რ უმაღლესი საბჭოს თავმჯდომარის მოადგილემ თამაზ ხუბუამ, აჭარის ა/რ ჯანდაცვის მისნისტრმა ზაალ მიქელაძემ, სოხუმის სახელმწიფო უნივერსიტეტის რექტორმა ზურაბ ხონელიძემ, აფხაზეთი მეცნიერებათა ეროვნული აკადემიის პრეზიდენტმა ზურაბ ლომთათიძემ, აჭარის ა/რ უმაღლესი საბჭოს ყოფილმა თავმჯდომარემ და ამჟამად, აჭარის გარემოს დაცვის სამმართველოს უფროსის მოადგილემ ავთანდილ ბერიძემ, ქუთაისის სახელმწიფო უნივერსიტეტის რექტორმა როლანდ კოპალიანმა და სხვა საპატიო სტუმრებმა. 

ღონისძიების დასკვნით ნაწილში ორგანიზატორების მიერ დამზადებული სპეციალური ჯილდო გადაეცა თითოეულ ქართულ-აფხაზურ ოჯახს.