25 აპრილს, 14 საათზე,  საქართველოს ბიბლიოთეკების კვირეულის ფარგლებში, ბათუმის საჯარო ბიბლიოთეკაში  ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის  პროფესორმა მალხაზ ჩოხარაძემ  წაიკითხა ლექცია თემაზე  ,,ჭოროხის აუზი: რელიგიის ისტორია და კოლექტიური მეხსიერების ქრონიკები”.

ლექცია ეხებოდა რელიგიური იდენტობის საკითხებს ჭოროხის აუზში: კლარჯეთში, შავშეთში, ტაოსა და სპერში. წარმოდგენილი იყო ქართველოლოგიის ცენტრის 2005-2024 წლების საველე ექსპედიციების  ფოტოდოკუმენტები და 21-ე საუკუნის თაობათა ზეპირი ისტორიების ვიდეოქრონიკები.

მადლობა ბატონ მალხაზს - ლექცია იყო ძალიან საინტერესო და ინფორმატიული.