ბათუმის საჯარო ბიბლიოთეკის საბავშვო განყოფილებამ, პროექტის „ბავშვები ბიბლიოთეკაში“ ფარგლებში, სკოლამდელი განათლების დაწესებულების აღსაზრდელთა კიდევ ერთ ჯგუფს უმასპინძლა. ბავშვთა დარბაზში სტუმრობისას, პატარები წიგნის სამყაროსა და ბიბლიოთეკის მუშაობის პრინციპებს გაეცნენ. 

 შეხვედრის მთავარი თემა იყო „წიგნის გზა მკითხველამდე“. ბავშვებმა დაათვალიერეს წიგნადი ფონდები და პრესის დარბაზი, რის შემდეგაც ოფიციალურად დარეგისტრირდნენ ბიბლიოთეკაში.

დღევანდელი დღე განსაკუთრებულია, რადგან ბიბლიოთეკის დიდ ოჯახს ბევრი ახალი, ნორჩი მკითხველი შეემატა.