კითხვის დრო ინგასთან ერთად
2019 წლის 8 მაისს, 13 საათზე აკაკი წერეთლის სახელობის ბათუმის საჯარო ბიბლიოთეკაში „კითხვის დრო ინგასთან ერთად“ ახალ და ორიგინალურ გარემოში ჩატარდა. შეხვედრას კერძო სკოლა "ევრო-2000-ის" მესამე კლასის მოსწავლეები (პედაგოგი ირმა გათენაძე) ესწრებოდნენ.
საჯარო ბიბლიოთეკის დირექტორმა ინგა გოგიბერიძემ პატარებს თანამედროვე საბავშვო მწერლის - ბონდო მაცაბერიძის წიგნიდან „წერილები წეროს ბუდიდან“, ახალი კონვერტიდან ამოღებული მეხუთე წერილი - ზღაპარი „არა“-ზე წაუკითხა. ზღაპრის დასასრული ბავშვებმა თავად უნდა გააგრძელონ და იპოვონ სიტყვა „კი“, რომელსაც აუცილებლად იტყვის კაცი - სახელად „არა“.