ლიტერატურული კლუბი „შენი სივრცე“
27 ივლისს, ბათუმის საჯარო ბიბლიოთეკაში არსებულ ლიტერატურულ კლუბში „შენი სივრცე“ გაიმართა შეხვედრა, სადაც გამოჩენილი ქართველი მწერლის, დრამატურგისა და ესეისტის ჯემალ ქარჩხაძის მოთხრობა - „იგი“ განიხილეს.
ჯემალ ქარჩხაძის „იგი“ ერთ-ერთი შთამბეჭდავი მოთხრობაა; ნაწარმოების მთავარი შინაარსი ყველა დროის აქტუალური საკითხია, რომელიც თან სდევს ეპოქას;
კლუბის წევრებზე დიდი შთაბეჭდილება მოახდინა წერის სტილმა და ნაწარმოების მხატვრული ხერხებით გაჯერებულმა სიუჟეტებმა; ყველაზე დასამახსოვრებელი კლუბის წევრებისათვის კი, ნაწარმოების ფინალი იყო, სადაც ნათლადაა ასახული, რომ ადამიანისგან საბოლოოდ ის კვალი რჩება რასაც დატოვებს.
ლიტერატურული კლუბის - „შენი სივრცე“ შეხვედრები განახლდება სასწავლო წლის დაწყებასთან ერთად.
გისურვებთ სასიამოვნო და შინაარსიან დასვენებას!
#იკითხეთწიგნები
#გაილამაზეთდღეები