ბათუმის მერი ლაშა კომახიძე საჯარო ბიბლიოთეკაში კონკურს ,,სიტყვის კონის“ მონაწილეებს შეხვდა. პროექტში ბათუმის საჯარო და კერძო სკოლების მე-7 - მე-12 კლასების 1 768 მოსწავლე მონაწილეობდა. დასკვნით ეტაპზე სამი გამარჯვებული გამოვლინდა. პირველ, მეორე და მესამე ადგილზე გასულ მოსწავლეებს ფულადი ჯილდოები გადაეცათ. ბათუმის მერმა კი, კონკურსის მონაწილეებს საჩუქრად წიგნები გადასცა. კონკურსი ,,სიტყვის კონა“ ინტელექტუალური და შემეცნებითი პროექტების მხარდაჭერის პროგრამის ფარგლებში განხორციელდა. კონკურსის მიზანია ქართული ენის ლექსიკური მარაგისა და განმარტებით ლექსიკონთან მუშაობის უნარების განვითარება.