საბავშვო ახალგაზრდობის განყოფილების ახალი შენობის გახსნა
2010 წლის 28 იანვარს, 14 საათზე ჯავახიშვილის №72 გაიხსნა საბავშვო-ახალგაზრდობის განყოფილების ახალი შენობა.
ახალ ბიბლიოთეკაში თეატრთან მდებარე საბავშვო და ჯავახიშვილის ქუჩაზე აქამდე არსებული ბიბლიოთეკები გაერთიანდნენ.
ბიბლიოთეკის გახსნას აჭარის მთავრობის თავმჯდომარე და ბათუმის მერი დაესწრნენ. ლევან ვარშალომიძემ ბიბლიოთეკის ყველა განყოფილება დაათვალიერა და თანამშრომლებსა და მკითხველებს გაესაუბრა.
ახალ ბიბლიოთეკაში გარდა საბავშვო განყოფილებებისა და სამკითხველო დარბაზისა, განთავსებულია კომპიუტერული ცენტრი, პერიოდული პრესის განყოფილება და სკოლამდელი აღზრდის ბავშვებისთვის სპეციალური სამკითხველო.
ახალი ბიბლიოთეკა ქალაქის მერიის დაფინანსებით აშენდა და ტექნიკითა და ინვენტარით აღიჭურვა.
