გოეთეს ინსტიტუტის ორგანიზებით გაიმართა სემინარი აჭარის სკოლების გერმანული ენის მასწავლებლებისთვის
1 ნოემბერს საჯარო ბიბლიოთეკაში გოეთეს ინსტიტუტის ორგანიზებით გაიმართა სემინარი აჭარის სკოლების გერმანული ენის მასწავლებლებისთვის.
სემინარის ხელმძღვანელმა, რალფ კლოცკემ პედაგოგებს წარუდგინა ICAP მოდელი და მისი დახმარებით საგაკვეთილო პროცესის დაგეგმვის შესაძლებლობები ონლაინ სივრცეში.
სემინარი ორი დღის განმავლობაში გაგრძელდება და მისი მიზანია გერმანული ენის მასწავლებლებს გააცნოს თანამედროვე მეთოდები და ინსტრუმენტები, რომელთა მეშვეობითაც შეძლებენ უფრო ეფექტურად წარმართონ გერმანულის გაკვეთილი, როგორც ონლაინ და შერეული ფორმატის, ასევე დასწრებული სასწავლო პროცესის პირობებში.