ხელნაკეთი ნივთების გამოფენა-გაყიდვა
ქალთა ისტორიის თვის მანძილზე დაგეგმილი აქტივობების ფარგლებში ბათუმის ამერიკული კუთხე 27 მარტს 15:00 საათიდან 18:00 საათამდე გიწვევთ ხელნაკეთი ნივთების გამოფენა-გაყიდვაზე.
გამოფენაზე წარმოდგენილი იქნება თექაზე შესრულებული ხელნაკეთი ნივთები (სამკაულები, ჩანთები, შარფები და სხვა) და ფერწერული ნახატები. ნივთების ნაწილი თექაზე მუშაობის შემსწავლელი პრაქტიკული კურსების მონაწილე ქალბატონებმა შექმნეს.
ყველა მსურველს შეუძლია პროდუქციის დათვალიერება და შეძენა!
ჩვენ საშუალებას ვაძლევთ დამწყებ მეწარმეებს, რომ საკუთარი პროდუქცია რაც შეიძლება მეტ ადამიანს გააცნონ.
შემოგვიერთდით!
მის: ვაჟა-ფშაველას #21, აკაკი წერეთლის სახელობის ქალაქ ბათუმის საჯარო ბიბლიოთეკა „ამერიკული კუთხე“.