აკაკი წერეთლის სახელობის ქალაქ ბათუმის საჯარო ბიბლიოთეკის საბავშვო-ახალგაზრდობის განყოფილებას განსაკუთრებული მეგობარი მკითხველები ჰყავს. მათ შორის არიან, ქალაქ ბათუმის მე-4 საჯარო სკოლის მოწავლეები, პედაგოგ გულო ბასილაძის ხელმძღვანელობით. სწორედ მათი დამსახურებაა, რომ 11 მაისს, განყოფილებაში სტუმრად მოიყვანეს პოეტი გულო გაბაიძე. განყოფილების თანამშრომლებმა სახელდახელო სცენა ბიბლიოთეკის წინამდებარე მოედანზე მოაწყვეს, სადაც მზის, პოეზიის და სამშობლოს სიყვარულით გაერთიანებულმა დიდებმა და პატარებმა საინტერესო შეხვედრის ერთი საათი გაატარეს.

«««