2018 წლის 6 ივნისს სასტუმრო შერატონში ჩატარდა „ევროკავშირი საქართველოსთვის“ და ახალგაზრდა მეცნიერთა კავშირი „ინტელექტის“ მიერ ორგანიზებული „მოხალისეთა ფორუმი“. ბათუმის საჯარო ბიბლიოთეკა აქტიურად ჩაერთო, როგორც მოხალისეთა მოძიების აქტივობაში, აგრეთვე თავადაც მოხალისის სახით შეეცდება დაეხმაროს სხვადასხვა სოციალურ სტრუქტურას წელიწადში რამოდენიმეჯერ სოციალურ-კულტურული აქტივობების ინიციატივა-ორგანიზება-განხორციელების კუთხით. ჩვენი ბიბლიოთეკა წარმოდგენილი იყო „ამერიკულ კუთხესთან“ ერთად, რომლის წარმომადგენელმა სალომე ჟორჟიკაშვილმა დამსწრე, როგორც არასამთავრობო, ასევე სამთავრობო ორგანიზაციებს გაუზიარა საჯარო ბიბლიოთეკის „ამერკული კუთხის“ მოხალისეებთან თანამშრომლობის გამოცდილება. ასევე, ბათუმის საჯარო ბიბლიოთეკას თვალსაჩინოებისთვის წარმოდგენილი ჰქონდა უახლესი ლიტერატურის მცირე ნაწილი წიგნსაცავიდან...
