2019 წლის 3 სექტემბერს, 17 საათზე აკაკი წერეთლის სახელობის ქალაქ ბათუმის საჯარო ბიბლიოთეკის მიმდებარე სკვერში, ბიბლიოთეკის წიგნად ფონდში ახალმიღებული, ყველა თაობისათვის განკუთვნილი თანამედროვე მხატვრული ლიტერატურის საჯარო გამოფენა-წარდგენა გაიმართა.
საჯარო ბიბლიოთეკის დირექტორის მოადგილე ნატალია ჭყონია გამოფენაზე მოსულ ახალგაზრდებს ახალ გამოცემებსა და თანამედროვე კლასიკური ლიტერატურული ნაწარმოებების შესახებ ესაუბრა.
ბიბლიოთეკის თანამშრომელმა უცხოური განყოფილების მთავარმა სპეციალისტმა ნანა ჩიკვაიძემ, კულტურული პროგრამების და სამკითხველო დარბაზებით მომსახურების განყოფილების წამყვანმა ბიბლიოთეკარებმა თამარ ბუთურიშვილმა და ნათია დევაძემ ბავშვებს და მოზარდებს განახლებული წიგნადი ფონდი და ბიბლიოთეკაში დაგეგმილი ახალი პროექტები გააცნეს.