საქართველოს წიგნის გამომცემელთა და გამავრცელებელთა ასოციაციის ორგანიზებითა და ფონდ „არველაძის“ ფინანსური მხარდაჭერით, ეროვნული ბიბლიოთეკის საგამოფენო დარბაზში ბიბლიოთეკების ვაუჩერიზაციის პროცესი შედგა. 

საქართველოს 64 ცენტრალურ ბიბლიოთეკას უახლესი წიგნების შესაძენად 900-ლარიანი ვაუჩერები გადაეცათ, რომელთა განაღდებას ისინი ეროვნული ბიბლიოთეკის საგამოფენო დარბაზში განთავსებულ 30-მდე გამომცემლობისა და გამავრცელებლის სტენდთან შეძლეს. 

გამოფენაზე მიწვეული იყო ბათუმის საჯარო ბიბლიოთეკაც. საბავშვო-ახალგაზრდობის განყოფილების უფროსმა თინა ცენტერაძემ სასაჩუქრე ვაუჩერით 81 წიგნი შეარჩია, მათ შორის მხატვრული ლიტერატურა და საბავშვო წიგნები. 

პროექტის მიზანია საქართველოს რეგიონების ცენტრალური ბიბლიოთეკების წიგნადი ფონდის უახლესი გამოცემებით ყოველწლიურად განახლება.