2017 წლის 9 იანვარს, ბიბლიოთეკის ამერიკული კუთხისა და საზოგადოებრივი განვითარების აკადემიის ორგანიზებით STEM-ის ზამთრის ბანაკი გაიხსნა. მონაწილეები მომდევნო ხუთი დღის მანძილზე გაიგებენ მეტს საინჟინრო, ტექნოლოგიური და საბუნებისმეტყველო მეცნიერებების შესახებ. ბანაკის პირველი დღის სესიაზე მონაწილეებმა თავიანთი ფავორიტი ტექნოლოგიისა და ცნობილი მეცნიერის შესახებ წარადგინეს პრეზენტაციები. სესიებს შორის მონაწილეები გასართობი და სახალისო აქტივობებით ერთობიან, რაც გუნდური მუშაობის უნარის ჩამოყალიბებას უწყობს ხელს. პროექტი ხორციელდება საქართველოში ამერიკის საელჩოს მხარდაჭერით.

«««