ლიტერატურული საღამო "დედა უკვდავია"
2017 წლის 2 მარტს, 13 საათზე აკაკი წერეთლის სახელობის ქალაქ ბათუმის საჯარო ბიბლიოთეკის საბავშვო-ახალგაზრდობის განყოფილებაში გაიმართა დედის დღისადმი მიძღვნილი ლიტერატურული საღამო "დედა უკვდავია" ბათუმის საერო ელიტარული სკოლა „გორდას" მეორე კლასის მოსწავლეებთან (კლასის დამრიგებელი რუსუდან გოგიაშვილი) ერთად. განყოფილების უფროსმა ინგა გოგიბერიძემ მოსწავლეებს დედის დღე და გაზაფხული მიულოცა და ღონისძიება მაყვალა მრევლიშვილის ლექსით ,,სამი დობილი " დაიწყო. წაუკითხა დოდო ხიმშიაშვილი-ვადაჭკორიას ,,დედის ლოცვა". მოსწავლეებმა კი დედის დღისადმი მიძღვნილი ცნობილი ქართველი პოეტების ლექსები და გამონათქვამები წაიკითხეს, მხიარულადაც იმღერეს და კმაყოფილი დაგვემშვიდობნენ.
