უილიამ შექსპირის იუბილესადმი მიძღვნილი "სონეტების საღამო".
2019 წლის 30 აპრილს 16 საათზე აკაკი წერეთლის სახელობის ქალაქ ბათუმის საჯარო ბიბლიოთეკაში უცხოური ლიტერატურის განყოფილებამ „ბიბლიოთეკის კვირეული 2019-ის“ ფარგლებში ინგლისელი დრამატურგისა და პოეტის უილიამ შექსპირის დაბადებიდან 455-ე წლისთავისადმი მიძღვნილი „სონეტების საღამო“ გამართა, სადაც ქობულეთის №1 საჯარო სკოლის მე-9,მე-10, მე-11 კლასის მოსწავლეები მონაწილეობდნენ; (პედაგოგები: მაია ბარბაქაძე, თინათინ ებრალიძე,ნინო გაფრინდაშვილი, ლია თევზაძე, თინათინ გუნთაიშვილი). ქართულ და ინგლისურ ენაზე წაიკითხეს სონეტები, კლასიკური მუსიკის ფონზე წარმოადგინეს კოსტიუმირებული პერფორმანსი და გააცოცხლეს შექსპირის უკვდავი პიესების გმირები.
