ივანე მაჩაბლის 170 წლის იუბილესადმი მიძღვნილი ლიტერატურულ - მუსიკალური საღამო
8 თებერვალს, საჯარო ბიბლიოთეკის საბავშვო-ახალგაზრდობის განყოფილებაში გაიმართა მწერლის, მთარგმნელის, პუბლიცისტის, საზოგადო მოღვაწის, ივანე მაჩაბლის 170 წლის იუბილესადმი მიძღვნილი ლიტერატურულ - მუსიკალური საღამო.
-------------
ივანე მაჩაბლის შემოქმედებასა და მოღვაწეობაზე დისკუსია გამართეს სკოლა ,,ნიკეს“ მოსწავლეებმა. შეხვედრა ინტერაქტიული იყო, მოსწავლეებმა შეაჯამეს ივანე მაჩაბლის მოღვაწეობა, წაიკითხეს შექსპირის მაჩაბლისეული თარგმანები (ინგლისურ და ქართულ ენებზე), ისაუბრეს გარდაცვალება-გაუჩინარების განსხვავებულ ინტერპრეტაციაზე, წარმოადგინეს ქრონოლოგიურად დაცული ფოტო და ვიდეო კოლაჟი.
ბიბლიოთეკა მადლობას უხდის სკოლის დირექტორს იზო ტაკიძეს, ორგანიზატორს თინა ჭეიშვილს, მასწავლებლებს: ლალი კონცელიძეს, ცირა მიქელაძეს და კლასის დამრიგებელს ნინო ლაზიშვილს აქტიური ჩართულობისთვის.
