აკაკი წერეთლის სახელობის ქალაქ ბათუმის საჯარო ბიბლიოთეკის აბონემენტის განყოფილებაში არსებულ  ლიტერატურულ კლუბში ,,შენი სივრცე’’, (ხელმძღვანელი, აბონემენტის განყოფილების წამყვანი ბიბლიოთეკარი მარიამ ძნელაძე) 2019 წლის  15 ივნისს მეორე შეხვედრა გაიმართა, სადაც კლუბის მონაწილეებმა იმსჯელეს “პატარა უფლისწულის” დღემდე გაუხუნარ თემებზე - სიყვარულზე და მეგობრობაზე.

მომდევნო შეხვედრის განსახილველი თემა  დიდებული ქართველი მწერლის გურამ რჩეულიშვილის ნაწარმოები “ნელი ტანგო” იქნება; ვინაიდან ნაწარმოები მცირეა, მაგრამ დიდი აზრის მატარებელი, კლუბის წევრებს აქვთ საშუალება დამატებით კიდევ რომელიმე ნაწარმოები წაიკითხონ გ.რჩეულიშვილის შემოქმედებიდან. 

კლუბის წევრების თხოვნით მომდევნო შეხვედრა 23 ივნისს, 11საათზე გაიმართება.