აუტიზმის ცნობადობის ამაღლების დღე
2015 წლის 2 აპრილს, 16 საათზე ბიბლიოთეკის „ამერიკულ კუთხეში“ აუტიზმის ცნობადობის ამაღლების დღესთან დაკავშირებით ბათუმის შოთა რუსთაველის სახელმწიფო უნივერსიტეტის ფსიქოლოგიის სპეციალობის მე-4 კურსის სტუდენტმა ინდირა გოგოხიამ ისაუბრა აუტიზმის მქონე პირთა პრობლემების, მათი უფლებების რეალიზაციის ხელშეწყობის და დაავადების საზოგადოებაში ცნობიერების ამაღლების შესახებ. შეხვედრის შემდეგ გაიმართა დისკუსია, სადაც მონაწილეობდნენ ბათუმის შოთა რუსთაველის სახელმწიფო უნივერსიტეტის ასოცირებული პროფესორი ციალა ტუღუში, ფსიქოლოგები ქეთევან გოგიტიძე და ფატმან მოსიძე.
