სურათი

ძირითადი შენობა

სურათი

სივრცე მუსიკალური და თეატრალური შეხვედრებისათვის

სურათი

საბავშვო-ახალგაზრდობის განყოფილება

სურათი

ლიტერატურული სივრცე ბავშვებისათვის - „კითხვის დრო"

სურათი

სივრცე ლიტერატურული შეხვედრებისათვის


სიახლეები
5 თებერვალი 2020
წიგნის საჯაროდ კითხვის საერთაშორისო დღე
#WorldReadAloudDay #WRAD2020 #იკითხეხმამაღლა, #შეცვალემსოფლიო! აკაკი წერეთლის სახელობის ქალაქ ბათუმის საჯარო ბიბლიოთეკაში, 2020 წლის 5 თებერვალს, წიგნის საჯაროდ კითხვის საერთაშორისო დღესთან დაკავშირებით მთელი დღის განმავლობაში სხვადასხვა ლიტერატურული აქტივობები გაიმართება, რომლებშიც მონაწილეობას აჭარის მთავრობის წარმომადგენლები, პოეტები და მწერლები მიიღებენ. წიგნის საჯაროდ კითხვის დღესთან დაკავშირებული ღონისძიებები საჯარო ბიბლიოთეკის ახალ საგანმანათლებლო სივრცესა და სხვადასხვა განყოფილებებში შემდეგი განრიგის მიხედვით გაიმართება: დღის სხვადასხვა მონაკვეთში, ბიბლიოთეკის აივნიდან სპეციალურად დამონტაჟებული ხმის გამაძლიერებლებით, შესაძლებელი იქნება ჩვენი საამაყო პოეტებისა და მწერლების ნაწარმოებების აუდიო მოსმენა.

»»»

30 იანვარი 2020
ახალი პროექტი - „ქართული ანიმაციური ფილმების პოპულარიზაცია”
აკაკი წერეთლის სახელობის ქალაქ ბათუმის საჯარო ბიბლიოთეკის საბავშვო-ახალგაზრდობის განყოფილება ახალ პროექტს იწყებს - „ქართული ანიმაციური ფილმების პოპულარიზაცია”. (პროექტის ავტორი: ეკატერინე დავითაძე). პროექტის მიზანია, აჭარის საჯარო და კერძო სკოლების დაწყებითი საფეხურის მოსწავლეებისთვის საგანმანათლებლო-შემეცნებითი, კულტურული გარემოს შექმნა, მონაწილეთა შორის შემოქმედებითი ნიჭის გამოვლენა, არაფორმალური დიალოგისთვის პლატფორმის შექმნა და ქართული ანიმაციური ფილმების პოპულარიზაცია. პროექტის ამოცანაა, ინფორმაციულ ქაოსში პატარებს მაქსიმალურად ხარისხიანი ანიმაცია მივაწოდოთ, ამ შემთხვევაში კი, მეოცე საკუნეში, სტუდია “ქართული ფილმის” მიერ გადაღებული მულტფილმებს გავუწიოთ პოპულარიზაცია.

»»»

24 იანვარი 2020
განათლების საერთაშორისო დღე
განათლების საერთაშორისო დღე წელს პირველად აღინიშნება. გაერო-ს გენერალურმა ასამბლეამ 24 იანვარი განათლების საერთაშორისო დღედ 2018 წელს გამოაცხადა. იუნესკო-ს (გაერო-ს განათლების, მეცნიერებისა და კულტურის ორგანიზაცია) მიერ გავრცელებული ინფორმაციის თანახმად, თანაბარი, ყოვლისმომცველი და სამართლიანი განათლების გარეშე ქვეყნები ვერ შეძლებენ გენდერული თანასწორობის და სიღარიბის დაძლევას. “დღეს, 262 მილიონი ბავშვი და ახალგაზრდა არ დადის სკოლაში, 617 მილიონ ბავშვს არ შეუძლია კითხვა და არ იცის საბაზო დონის მათემატიკა. აფრიკის საჰარის სამხრეთით კი გოგონების 40%-ზე ნაკლებმა საშუალო სკოლა ქვედა ზღვარზე მიატოვა, ხოლო 4 მილიონი ლტოლვილი ბავშვი სკოლის გარეთაა დარჩენილი. ეს მათი უფლებების დარღვევაა და მიუღებელია“, - ნათქვამია იუნესკო-ს მიერ გავრცელებულ განცხადებაში. განათლების საერთაშორისო დღესთან დაკავშირებით იუნესკო-ს გენერალურმა დირექტორმა, ოდრი აზულაიმ განაცხადა, რომ განათლება არის ადამიანის უფლება, საზოგადოებრივი კეთილდღეობა და პასუხისმგებლობა. #განათლებაშენიუფლებაა #მოდიბიბლიოთეკაში

»»»

13 იანვარი 2020
ბიბლიოთეკის "ამერიკული კუთხე" ელექტრონული ბიბლიოთეკის eLibraryUSA-ის უფასო სერვისს გთავაზობთ
2020 წელს, ჩვენო მკითხველებო ძალიან საინტერესო და საჭირო ინფორმაციით ვიწყებთ ! აკაკი წერეთლის სახელობის ბათუმის საჯარო ბიბლიოთეკის "ამერიკული კუთხე" ელექტრონული ბიბლიოთეკის eLibraryUSA-ის უფასო სერვისს გთავაზობთ. eLibraryUSA აერთიანებს ისეთ აკადემიურ ონლაინ პლატფორმებს, როგორიცაა PressReaders, Flipster, Gale Academic One File, JSTOR, ProQuest, Gale in Context, Digital Literacy, Canopy და სხვა. ისარგებლეთ ელექტრონული ბიბლიოთეკით და იმუშავეთ აკადემიურ, რეცენზირებულ გამოცემებზე თქვენი სამეცნიერო თუ საკურსო ნაშრომებისთვის.

»»»

21 დეკემბერი 2019
ბათუმის საჯარო ბიბლიოთეკაში ახალი საგანმათლებლო სივრცე გაიხსნა
#გიორგიკეკელიძე ამაყი ვარ: დღეს ბათუმის საჯარო ბიბლიოთეკაში ახალი საგანმათლებლო სივრცე გავხსენით. ოდესღაც უფერული გიგანტური საცავი დღეს ინგა გოგიბერიძის და მისი კოლეგების უდიდესი შრომის შედეგად მულტიფუნქციური კომპლექსი შეიქმნა - წიგნის მუზეუმი, საფოსტო მარკების მუზეუმი, საბავშვო სამკითხველო და ა.შ. ჩვენ ერთად ძალიან მალე ბიბლიოთეკებს ქვეყნის ცენტრალურ საგანმანათლებლო დაწესებულად ვაქცევთ! #ბიბლიოთეკები #გიორგიკეკელიძე #giorgikekelidze @ Batumi

»»»